Now loading...
തുടര്‍ച്ചയായ മൂന്നാം ആഴ്ചയും ഇന്ത്യന്‍ ഓഹരി വിപണി നഷ്ട കച്ചവടം തുടരുന്നു. നിഫ്റ്റി തുടര്‍ച്ചയായി ഒമ്പതാം ദിവസവും, സെൻസെക്സ് തുടർച്ചയായ രണ്ടാം ദിവസവും നഷ്ടം രേഖപ്പെടുത്തി.
സെൻസെക്സ് -112.16 പോയിന്റ് അഥവാ 0.15 ശതമാനം ഇടിഞ്ഞ് 73,085.94 ൽ ക്ലോസ് ചെയ്തു. നിഫ്റ്റി -5.40 പോയിന്റ് അഥവാ 0.02 ശതമാനം ഇടിഞ്ഞ് 22,119.30 ലെത്തി. എച്ച്ഡിഎഫ്സി ബാങ്ക് റിലയൻസ് ഇൻഡസ്ട്രീസ് ഓഹരികളിലുണ്ടായ കടുത്ത വിൽപ്പനയാണ് വിപണിയെ ഇന്ന് ഇടിവിലേക്കു നയിച്ചത്.
സെൻസെസ് ഓഹരികൾ ( Top Gainers, Losers )
അൾട്രാടെക് സിമന്റ്, ഭാരതി എയർടെൽ, എൻ‌ടി‌പി‌സി, ഇൻഫോസിസ്, ബജാജ് ഫിനാൻസ്, മഹീന്ദ്ര ആൻഡ് മഹീന്ദ്ര, ലാർസൺ ആൻഡ് ട്യൂബ്രോ, സ്റ്റേറ്റ് ബാങ്ക് ഓഫ് ഇന്ത്യ എന്നി ഓഹരികൾ ഇന്ന് നേട്ടമുണ്ടാക്കിയപ്പോൾ റിലയൻസ് ഇൻഡസ്ട്രീസ്, ബജാജ് ഫിൻസെർവ്, എച്ച്ഡിഎഫ്സി ബാങ്ക്, അദാനി പോർട്ട്സ്, മാരുതി സുസുക്കി ഇന്ത്യ, ആക്സിസ് ബാങ്ക്, ഹിന്ദുസ്ഥാൻ യൂണിലിവർ, സൺ ഫാർമസ്യൂട്ടിക്കൽസ്, ഏഷ്യൻ പെയിന്റ്സ് എന്നിവ ഇടിവ് നേരിട്ടു.
സെക്ടറൽ സൂചിക
സെക്ടറൽ സൂചികകളിൽ മീഡിയ, പിഎസ്യു ബാങ്ക്, ഓയിൽ ആൻഡ് ഗ്യാസ് എന്നിവ 0.3-1 ശതമാനം ഇടിഞ്ഞു. അതേസമയം കൺസ്യൂമർ ഡ്യൂറബിൾസ്, ഓട്ടോ,ഫാര്‍മ,എഫ്എംസിജി എന്നിവ 0.19 – 0.80 ശതമാനവും ഐടി, മെറ്റൽ, റിയൽറ്റി എന്നിവ 1.10 – 1.30 ശതമാനവും ഉയർന്നു.
ബിഎസ്ഇ മിഡ്ക്യാപ് 0.25 ശതമാനവും സ്മോൾക്യാപ് സൂചിക 0.7 ശതമാനവും താഴ്ന്നു. ഇന്ത്യ വിക്സ് 1.06 ശതമാനം ഇടിഞ്ഞ് 13.76 ൽ എത്തി.
ആഗോള വിപണികൾ
ഏഷ്യൻ വിപണികളിൽ, ടോക്കിയോയും ഹോങ്കോങ്ങും നേട്ടത്തിലും ഷാങ്ഹായ് നഷ്ടത്തിലും വ്യാപാരം അവസാനിച്ചു. സിയോൾ വിപണി അവധിയിലായിരുന്നു. യൂറോപ്യൻ വിപണികൾ പോസിറ്റീവ് ടെറിട്ടറിയിലാണ് വ്യാപാരം നടത്തിയത്. വെള്ളിയാഴ്ച യുഎസ് വിപണികൾ പോസിറ്റീവ് ആയി അവസാനിച്ചു.
ആഗോള എണ്ണ ബെഞ്ച്മാർക്ക് ബ്രെന്റ് ക്രൂഡ് 0.58 ശതമാനം ഇടിഞ്ഞ് ബാരലിന് 72.39 യുഎസ് ഡോളറിലെത്തി. യുഎസ് ഡോളറിനെതിരെ രൂപയുടെ മൂല്യം 3 പൈസ ഉയർന്ന് 87.34 ൽ എത്തി.
Jobbery.in
Now loading...