Now loading...
കഴിഞ്ഞ ആഴ്ച ഏറ്റവും മൂല്യമുള്ള പത്ത് കമ്പനികളില്‍ ഒമ്പതെണ്ണത്തിന്റെയും സംയോജിത വിപണി മൂല്യത്തില്‍ 2,94,170.16 കോടി രൂപയുടെ ഇടിവ്. ടാറ്റ കണ്‍സള്‍ട്ടന്‍സി സര്‍വീസസിന് ഏറ്റവും വലിയ തിരിച്ചടി നേരിട്ടു.
കഴിഞ്ഞ ആഴ്ച, ബിഎസ്ഇ ബെഞ്ച്മാര്‍ക്ക് ഗേജ് സെന്‍സെക്‌സ് 2,050.23 പോയിന്റ് അഥവാ 2.64 ശതമാനം ഇടിഞ്ഞപ്പോള്‍, എന്‍എസ്ഇ നിഫ്റ്റി 614.8 പോയിന്റ് അഥവാ 2.61 ശതമാനം ഇടിഞ്ഞു.
ആദ്യ പത്തില്‍ ഇടം നേടിയ കമ്പനികളില്‍ ടാറ്റ കണ്‍സള്‍ട്ടന്‍സി സര്‍വീസസ് (ടിസിഎസ്), റിലയന്‍സ് ഇന്‍ഡസ്ട്രീസ്, ഇന്‍ഫോസിസ്, ബജാജ് ഫിനാന്‍സ്, ഐസിഐസിഐ ബാങ്ക്, എച്ച്ഡിഎഫ്സി ബാങ്ക്, ഹിന്ദുസ്ഥാന്‍ യൂണിലിവര്‍ ലിമിറ്റഡ്, സ്റ്റേറ്റ് ബാങ്ക് ഓഫ് ഇന്ത്യ, ഐടിസി എന്നിവയ്ക്ക് വിപണി മൂല്യത്തില്‍ ഇടിവ് നേരിട്ടു. ഭാരതി എയര്‍ടെല്‍ മാത്രമാണ് നേട്ടമുണ്ടാക്കിയത്.
ടിസിഎസിന്റെ വിപണി മൂല്യം 1,10,351.67 കോടി രൂപ ഇടിഞ്ഞ് 11,93,769.89 കോടി രൂപയായി.
റിലയന്‍സ് ഇന്‍ഡസ്ട്രീസിന്റെ മൂല്യം 95,132.58 കോടി രൂപ ഇടിഞ്ഞ് 16,30,244.96 കോടി രൂപയിലെത്തി. ഇന്‍ഫോസിസിന്റെ മൂല്യം 49,050.04 കോടി രൂപ ഇടിഞ്ഞ് 6,03,178.45 കോടി രൂപയായി.
ബജാജ് ഫിനാന്‍സിന്റെ വിപണി മൂലധനം (എംക്യാപ്) 14,127.07 കോടി രൂപ കുറഞ്ഞ് 5,40,588.05 കോടി രൂപയായും ഐസിഐസിഐ ബാങ്കിന്റെ വിപണി മൂലധനം 9,503.66 കോടി രൂപ കുറഞ്ഞ് 9,43,264.95 കോടി രൂപയുമായി.
സ്വകാര്യ മേഖലയിലെ ബാങ്കായ എച്ച്ഡിഎഫ്സി ബാങ്കിന്റെ മൂല്യം 8,800.05 കോടി രൂപ കുറഞ്ഞ് 13,90,408.68 കോടി രൂപയായി. ഹിന്ദുസ്ഥാന്‍ യൂണിലിവര്‍ ലിമിറ്റഡിന്റെ മൂല്യം 3,500.89 കോടി രൂപ കുറഞ്ഞ് 5,27,354.01 കോടി രൂപയായി.
സ്റ്റേറ്റ് ബാങ്ക് ഓഫ് ഇന്ത്യയുടെ വിപണി മൂലധനം 3,391.35 കോടി രൂപ ഇടിഞ്ഞ് 6,85,232.33 കോടി രൂപയിലും ഐടിസിയുടെ വിപണി മൂലധനം 312.85 കോടി രൂപ ഇടിഞ്ഞ് 5,12,515.78 കോടി രൂപയിലുമെത്തി.
എന്നാല്‍ ഭാരതി എയര്‍ടെല്ലിന്റെ വിപണി മൂലധനം 7,013.59 കോടി രൂപ ഉയര്‍ന്ന് 9,94,019.51 കോടി രൂപയിലെത്തി.
റിലയന്‍സ് ഇന്‍ഡസ്ട്രീസ് ഏറ്റവും മൂല്യമുള്ള കമ്പനിയായി തുടര്‍ന്നു. എച്ച്ഡിഎഫ്സി ബാങ്ക്, ടിസിഎസ്, ഭാരതി എയര്‍ടെല്‍, ഐസിഐസിഐ ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ, ഇന്‍ഫോസിസ്, ബജാജ് ഫിനാന്‍സ്, ഹിന്ദുസ്ഥാന്‍ യൂണിലിവര്‍, ഐടിസി എന്നിവയാണ് തൊട്ടുപിന്നില്‍.
Jobbery.in
Now loading...
