കേ​ന്ദ്ര സാ​യു​ധ പൊ​ലീ​സ് സേ​ന​ക​ളി​ൽ അ​സി​സ്റ്റ​ന്റ് ക​മാ​ൻ​ഡ​ന്റ് നിയമനം: ബിരുദമുള്ളവർക്ക് അപേക്ഷിക്കാം

തിരുവനന്തപുരം: കേ​ന്ദ്ര സാ​യു​ധ പൊ​ലീ​സ് സേ​ന​ക​ളി​ൽ അ​സി​സ്റ്റ​ന്റ് ക​മാ​ൻ​ഡ​ന്റ് നിയമനത്തിന് ഇപ്പോൾ അപേക്ഷിക്കാം. വിവി​ധ സേ​ന​ക​ളി​ലാ​യി ആകെ 357 ഒ​ഴി​വുകൾ ഉണ്ട്. ബി.​എ​സ്.​എ​ഫ് 24, സി.​ആ​ർ.​​പി.​എ​ഫ് 204, സി.​ഐ.​എ​സ്.​എ​ഫ് 92, ഐ.​ടി.​ബി.​പി 04, എ​സ്.​എ​സ്.​ബി 33 എന്നിങ്ങനെയാണ് ഒഴിവുകൾ. പു​രു​ഷ​ന്മാ​ർ​ക്കും വ​നി​ത​ക​ൾ​ക്കും അ​പേ​ക്ഷി​ക്കാം. അം​ഗീ​കൃ​ത സ​ർ​വ​ക​ലാ​ശാ​ല ബി​രു​ദമാണ് യോഗ്യത. ഫ​ലം കാ​ത്തി​രി​ക്കു​ന്ന​വ​ർ​ക്കും 2025ൽ ​അ​വ​സാ​ന​വ​ർ​ഷ ബി​രു​ദ പ​രീ​ക്ഷ​യെ​ഴു​തു​ന്ന​വ​ർ​ക്കും അ​പേ​ക്ഷി​ക്കാം. തിരഞ്ഞെടുപ്പിനുള്ള യു.പി.എസ്.സി പരീക്ഷ ഓഗ​സ്റ്റ് 3ന് നടക്കും. മാ​ർ​ച്ച് 25ന് ​വൈ​കീ​ട്ട് 6​വ​രെ https://upsconline.gov.in വഴി അപേക്ഷ നൽകാം. ​അപേക്ഷയിൽ തി​രു​ത്തലുകൾ വരുത്താൻ മാ​ർ​ച്ച് 26 മു​ത​ൽ ഏ​പ്രി​ൽ ഒ​ന്നു​വ​രെ സമയം നൽകും.
അപേക്ഷകർക്ക് ഓഗ​സ്റ്റ് ഒ​ന്നി​ന് 20 വ​യ​സ് തി​ക​ഞ്ഞി​രി​ക്ക​ണം. ഇതേ തീയതിയിൽ 25 വയ​സ് ക​വി​യാ​നും പാ​ടി​ല്ല. 2000 ഓഗ​സ്റ്റ് 2​നു മുൻപോ 2005 ആ​ഗ​സ്റ്റ് ഒ​ന്നി​നു​ശേ​ഷ​മോ ജ​നി​ച്ച​വ​രാ​ക​രു​ത്. പ​ട്ടി​ക​ജാ​തി/​വ​ർ​ഗ വി​ഭാ​ഗ​ങ്ങ​ൾ​ക്ക് അ​ഞ്ചു വ​ർ​ഷ​വും ഒ.​ബി.​സി നോ​ൺ ക്രീ​മി​ലെ​യ​ർ വി​ഭാ​ഗ​ത്തി​ന് മൂ​ന്നു വ​ർ​ഷ​വും കേ​ന്ദ്ര​സ​ർ​ക്കാ​ർ ജീ​വ​ന​ക്കാ​ർ, വി​മു​ക്ത​ഭ​ട​ന്മാ​ർ അ​ട​ക്ക​മു​ള്ള വി​ഭാ​ഗ​ങ്ങ​ൾ​ക്ക് ഇളവുണ്ട്. 200 രൂ​പയാണ് അപേക്ഷ ഫീസ്. വ​നി​ത​ക​ൾ​ക്കും എ​സ്.​സി/​എ​സ്.​ടി വി​ഭാ​ഗ​ക്കാ​ർ​ക്കും ഫീ​സി​ല്ല.