റിഫൈനറിയിൽ വിവിധ തസ്തികകളിൽ അവസരം

റിഫൈനറിയിൽ വിവിധ തസ്തികകളിൽ അവസരം.

കേന്ദ്ര സർക്കാർ സ്ഥാപനമായ ഭാരത് പെട്രോളിയം കോർപറേഷൻ ലിമിറ്റഡിന്റെ കൊച്ചി, മുംബൈ റിഫൈനറികളിൽ ടെക്നീഷ്യൻ, ഓപ്പറേറ്റർ തസ്തികകളിലേക്ക് അവസരം. ഓഗസ്റ്റ് 13 വരെ ഓൺലൈനായി അപേക്ഷിക്കാം. കൊച്ചി റിഫൈനറിയിൽ 94 ഒഴിവുകളും മുംബൈ റിഫൈനറിയിൽ 60 ഒഴിവുകളുമാണുള്ളത്.

മുംബൈ റിഫൈനറിയിലെ 60 പ്രോസസ് ടെക്നീഷ്യൻ-കെമിക്കൽ തസ്തികകളിലേക്ക് കെമിക്കൽ എൻജിനീയറിങ് അല്ലെങ്കിൽ കെമിക്കൽ ടെക്നോളജിയിൽ ഡിപ്ലോമയും ഒരു വർഷത്തെ പ്രവൃത്തിപരിചയവും ആവശ്യമാണ്.

കൊച്ചി റിഫൈനറിയിലെ 64 പ്രോസസ് ഓപ്പറേറ്റർ-കെമിക്കൽ തസ്തികകളിലേക്കും കെമിക്കൽ എൻജിനീയറിങ് അല്ലെങ്കിൽ കെമിക്കൽ ടെക്നോളജിയിൽ ഡിപ്ലോമയും ഒരു വർഷത്തെ പ്രവൃത്തിപരിചയവും വേണം.

കൊച്ചി റിഫൈനറിയിലെ 17 ടെക്നീഷ്യൻ-ഇലക്ട്രിക്കൽ തസ്തികകളിലേക്ക് ഇലക്ട്രിക്കൽ എൻജിനീയറിങ്, ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയറിങ്, ഇലക്ട്രിക്കൽ പവർ സിസ്റ്റം അല്ലെങ്കിൽ ഇലക്ട്രിക്കൽ എൻജിനീയറിങ് (ഇൻഡസ്ട്രിയൽ കൺട്രോൾ) വിഭാഗങ്ങളിൽ ഡിപ്ലോമ നേടിയവർക്ക് അപേക്ഷിക്കാം. ഒരു വർഷത്തെ പ്രവൃത്തിപരിചയവും ആവശ്യമാണ്.

കൊച്ചി റിഫൈനറിയിലെ 13 ടെക്നീഷ്യൻ/ഓപ്പറേറ്റർ-മെക്കാനിക്കൽ തസ്തികകളിലേക്ക് മെക്കാനിക്കൽ എൻജിനീയറിങ്ങിൽ ഡിപ്ലോമയും ഒരു വർഷത്തെ പ്രവൃത്തിപരിചയവും ആവശ്യമാണ്.

വിദ്യാഭ്യാസ യോഗ്യതയിൽ സാധാരണ വിഭാഗക്കാർക്ക് കുറഞ്ഞത് 60 ശതമാനം മാർക്ക് ഉണ്ടായിരിക്കണം. പട്ടികജാതി, പട്ടികവർഗ വിഭാഗക്കാർക്ക് 50 ശതമാനം മാർക്ക് മതിയാകും.

അപേക്ഷകരുടെ പ്രായപരിധി 18 മുതൽ 25 വയസ്സ് വരെയാണ്. തസ്തിക അനുസരിച്ച് ശമ്പളം 26,500 മുതൽ 34,000 വരെയാണ്.

തിരഞ്ഞെടുപ്പ് മൂന്ന് ഘട്ടങ്ങളിലായാണ് നടക്കുക. ആദ്യം കമ്പ്യൂട്ടർ അധിഷ്ഠിത പരീക്ഷ ഉണ്ടായിരിക്കും. തുടർന്ന് സ്കിൽ പ്രൊഫിഷ്യൻസി ടെസ്റ്റും മെഡിക്കൽ പരിശോധനയും നടത്തും.

അർഹരായ ഉദ്യോഗാർഥികൾക്ക് ഓൺലൈനായി അപേക്ഷിക്കാം. അപേക്ഷ സമർപ്പിക്കുന്നതിനും കൂടുതൽ വിവരങ്ങൾ അറിയുന്നതിനുമായി ഭാരത് പെട്രോളിയം കോർപറേഷൻ ലിമിറ്റഡിന്റെ ഔദ്യോഗിക വെബ്സൈറ്റ് www.bharatpetroleum.com സന്ദർശിക്കുക. അപേക്ഷിക്കാനുള്ള അവസാന തീയതി ഓഗസ്റ്റ് 13 ആണ്.