AAI റിക്രൂട്ട്മെൻറ് 2026: മാനേജർ & ജൂനിയർ എക്സിക്യൂട്ടീവ് തസ്തികകളിൽ 391 ഒഴിവുകൾ

രാജ്യത്തെ പ്രമുഖ വിമാനത്താവളങ്ങളുടെ പ്രവർത്തനങ്ങൾക്ക് മേൽനോട്ടം വഹിക്കുന്ന എയർപോർട്ട് അതോറിറ്റി ഓഫ് ഇന്ത്യ (AAI) വിവിധ വകുപ്പുകളിലായി 391 ഒഴിവുകളിലേക്ക് അപേക്ഷകൾ ക്ഷണിക്കുന്നു. മാനേജർ, ജൂനിയർ എക്സിക്യൂട്ടീവ് തസ്തികകളിലായി വൻതോതിലുള്ള ഈ നിയമനം സർക്കാർ ജോലി ലക്ഷ്യമിടുന്നവർക്ക് ഒരു സുവർണ്ണാവസരമാണ്.

ഓൺലൈൻ അപേക്ഷാ പ്രക്രിയ ഓഗസ്റ്റ് 8, 2026 മുതൽ ആരംഭിക്കും. അപേക്ഷിക്കാനുള്ള അവസാന തീയതി സെപ്റ്റംബർ 7, 2026 ആണ്. പരീക്ഷാ തീയതി പിന്നീട് അറിയിക്കും.

• മാനേജർ തസ്തികകളിൽ സിവിൽ എഞ്ചിനീയറിംഗിൽ 145 ഒഴിവുകളും ഇലക്ട്രിക്കൽ എഞ്ചിനീയറിംഗിൽ 16 ഒഴിവുകളുമുണ്ട്. 
• ഫിനാൻസ് വിഭാഗത്തിൽ 34 ഒഴിവുകളും ഇൻഫർമേഷൻ ടെക്നോളജി വിഭാഗത്തിൽ 5 ഒഴിവുകളും ലഭ്യമാണ്.
•  ആർക്കിടെക്ചർ വിഭാഗത്തിൽ 4 ഒഴിവുകളും നിയമ വിഭാഗത്തിൽ 2 ഒഴിവുകളുമുണ്ട്.
•  ഫയർ സർവീസസിൽ 14 ഒഴിവുകളും ഓപ്പറേഷൻസിൽ 28 ഒഴിവുകളും കൊമേഴ്‌സ്യൽ വിഭാഗത്തിൽ 9 ഒഴിവുകളും ലഭ്യമാണ്. 
• കോർപ്പറേറ്റ് പ്ലാനിംഗ് & മാനേജ്മെന്റിൽ 1 ഒഴിവും കോർപ്പറേറ്റ് കമ്മ്യൂണിക്കേഷൻസിൽ 2 ഒഴിവുകളുമുണ്ട്.

• ജൂനിയർ എക്സിക്യൂട്ടീവ് തസ്തികകളിൽ ഫിനാൻസ് വിഭാഗത്തിൽ 36 ഒഴിവുകളും നിയമ വിഭാഗത്തിൽ 6 ഒഴിവുകളും ലഭ്യമാണ്.
•  ഓപ്പറേഷൻസ് വിഭാഗത്തിൽ 79 ഒഴിവുകളും സർവേ & കാർട്ടോഗ്രഫി വിഭാഗത്തിൽ 8 ഒഴിവുകളുമുണ്ട്.

എഞ്ചിനീയറിങ് തസ്തികകൾക്ക് ബന്ധപ്പെട്ട മേഖലയിൽ ബിരുദം ആവശ്യമാണ്. 

ഫിനാൻസ് തസ്തികകൾക്ക് ഫിനാൻസിൽ MBA/PGDM അല്ലെങ്കിൽ CA/CMA/CFA യോഗ്യത വേണം. ഐടി വിഭാഗത്തിന് കമ്പ്യൂട്ടർ സയൻസ്/ഐടി/ഇലക്ട്രോണിക്സ് എഞ്ചിനീയറിംഗ് ബിരുദം അല്ലെങ്കിൽ MCA ആവശ്യമാണ്. ആർക്കിടെക്ചർ തസ്തികയ്ക്ക് ആർക്കിടെക്ചർ ബിരുദവും കൗൺസിൽ ഓഫ് ആർക്കിടെക്ചർ രജിസ്ട്രേഷനും നിർബന്ധമാണ്. നിയമ തസ്തികകൾക്ക് 3 വർഷം അല്ലെങ്കിൽ 5 വർഷം നിയമ ബിരുദം വേണം. ഫയർ സർവീസസിന് ഫയർ/മെക്കാനിക്കൽ/ഓട്ടോമൊബൈൽ എഞ്ചിനീയറിംഗ് ബിരുദം ആവശ്യമാണ്. ഓപ്പറേഷൻസ്, കൊമേഴ്‌സ്യൽ തസ്തികകൾക്ക് സയൻസ് ബിരുദത്തോടൊപ്പം 2 വർഷത്തെ MBA അല്ലെങ്കിൽ എഞ്ചിനീയറിംഗ് ബിരുദം വേണം. കോർപ്പറേറ്റ് പ്ലാനിംഗിന് സ്റ്റാറ്റിസ്റ്റിക്സ്/ഇക്കണോമിക്സിൽ ബിരുദാനന്തര ബിരുദവും കോർപ്പറേറ്റ് കമ്മ്യൂണിക്കേഷന് മാസ് കമ്മ്യൂണിക്കേഷൻ/ജേർണലിസത്തിൽ ബിരുദവും ബിരുദാനന്തര ബിരുദം/ഡിപ്ലോമയും ആവശ്യമാണ്.

പ്രായപരിധി 07.09.2026 പ്രകാരം കണക്കാക്കുന്നു. മാനേജർ തസ്തികകൾക്ക് പരമാവധി 32 വയസ്സും ജൂനിയർ എക്സിക്യൂട്ടീവ് തസ്തികകൾക്ക് പരമാവധി 27 വയസ്സുമാണ്. സംവരണ വിഭാഗങ്ങൾക്ക് സർക്കാർ നിയമപ്രകാരം പ്രായത്തിൽ ഇളവ് ലഭിക്കും. മാനേജർ തസ്തികകൾക്ക് 3 വർഷം പ്രവൃത്തിപരിചയം നിർബന്ധമാണ്. എന്നാൽ ജൂനിയർ എക്സിക്യൂട്ടീവ് തസ്തികകൾക്ക് പ്രവൃത്തിപരിചയം ആവശ്യമില്ല, അതുകൊണ്ട് തന്നെ ഫ്രഷർമാർക്ക് ഇത് സുവർണ്ണാവസരമാണ്.

മാനേജർ തസ്തികകളുടെ ശമ്പള സ്കെയിൽ 60,000 മുതൽ 1,80,000 രൂപ വരെയും ജൂനിയർ എക്സിക്യൂട്ടീവിന്റെത് 40,000 മുതൽ 1,40,000 രൂപ വരെയുമാണ്. ഇതുകൂടാതെ DA, HRA, മെഡിക്കൽ, PF, ഗ്രാറ്റുവിറ്റി തുടങ്ങിയ ആനുകൂല്യങ്ങളും ലഭിക്കും.

തിരഞ്ഞെടുപ്പ് പ്രക്രിയയിൽ കമ്പ്യൂട്ടർ അധിഷ്ഠിത പരീക്ഷ ഉൾപ്പെടുന്നു. ഇത് ഒബ്ജക്റ്റീവ് തരം ചോദ്യങ്ങളാണ്, നെഗറ്റീവ് മാർക്കിംഗ് ഇല്ല. CBT-യിൽ വിജയിക്കുന്നവർക്ക് പ്രമാണ പരിശോധന നടത്തും. മാനേജർ പദവികൾക്ക് മാത്രം ഇന്റർവ്യൂ ഉണ്ടായിരിക്കും. ഫയർ സർവീസസ് തസ്തികയ്ക്ക് ശാരീരികക്ഷമത, ഡ്രൈവിംഗ് ടെസ്റ്റുകൾ എന്നിവ കൂടുതലായി നടത്തും.

അപേക്ഷാ ഫീസ് ജനറൽ, OBC, EWS വിഭാഗങ്ങൾക്ക് 1,000 രൂപയും SC, ST, PwBD, വനിതകൾ എന്നിവർക്ക് ഫീസ് ഇല്ലാതെയുമാണ്.

അപേക്ഷകൾ ഓൺലൈനായി മാത്രമേ സ്വീകരിക്കൂ. AAI ഔദ്യോഗിക വെബ്സൈറ്റ് aai.aero-യിൽ ‘Careers’ വിഭാഗത്തിൽ പോയി വിജ്ഞാപന നമ്പർ 12/2026/CHQ/DR-CBT-യിൽ ക്ലിക്ക് ചെയ്യണം. ഇമെയിലും മൊബൈൽ നമ്പറും ഉപയോഗിച്ച് രജിസ്റ്റർ ചെയ്ത് ഓൺലൈൻ അപേക്ഷാ ഫോം പൂരിപ്പിച്ച് ആവശ്യമായ രേഖകളും ഫോട്ടോയും അപ്‌ലോഡ് ചെയ്യണം. അതിനുശേഷം ഫീസ് അടച്ച് അപേക്ഷ സമർപ്പിക്കണം.

കൂടുതൽ വിവരങ്ങൾക്കും വിശദമായ വിജ്ഞാപനം ഡൗൺലോഡ് ചെയ്യുന്നതിനും AAI യുടെ ഔദ്യോഗിക കരിയർ പേജ് സന്ദർശിക്കുക. ഈ അവസരം പ്രയോജനപ്പെടുത്താൻ താത്പര്യമുള്ള ഉദ്യോഗാർത്ഥികൾ ഔദ്യോഗിക വിജ്ഞാപനം പൂർണ്ണമായി വായിച്ച് കൃത്യസമയത്ത് അപേക്ഷിക്കേണ്ടതാണ്.

ഔദ്യോഗിക വിജ്ഞാപന ലിങ്ക്:

പരമാവധി ഷെയർ ചെയ്യുക ജോലി അന്വേഷകരിലേക്ക്.