സർവ്വേ വകുപ്പിൽ മുതൽ വിവിധ അവസരങ്ങൾ.

സാമ്പത്തിക സ്ഥിതിവിവരക്കണക്ക് വകുപ്പ് നടപ്പിലാക്കുന്ന അസംഘടിത കാർഷികേതര മേഖലയിലെ വാർഷിക സർവേയായ ASUSE-യിലേക്ക് എന്യൂമറേറ്റർമാരെ കരാർ അടിസ്ഥാനത്തിൽ നിയമിക്കുന്നു. ഉൽപ്പാദനം, വ്യാപാരം, മറ്റ് സേവനങ്ങൾ എന്നിവയുമായി ബന്ധപ്പെട്ട സ്ഥാപനങ്ങളിൽ നിന്നും വീടുകളിൽ നിന്നും വിവരങ്ങൾ ശേഖരിക്കുകയാണ്  . നിർമ്മാണ മേഖലയെ സർവേയിൽ ഉൾപ്പെടുത്തിയിട്ടില്ല.

എല്ലാ ജില്ലകളിലും രണ്ട് വീതം ഒഴിവുകളാണുള്ളത്. 2027 മാർച്ച് 31 വരെയാണ് നിയമന കാലാവധി. ഇക്കണോമിക്സ്, സ്റ്റാറ്റിസ്റ്റിക്സ്, മാത്തമാറ്റിക്സ് അല്ലെങ്കിൽ കോമേഴ്സ് വിഷയങ്ങളിൽ ബിരുദം നേടിയവർക്ക് അപേക്ഷിക്കാം. ബിരുദ പഠനത്തിൽ സ്റ്റാറ്റിസ്റ്റിക്സ് പ്രധാന വിഷയമായോ ഉപവിഷയമായോ പഠിച്ചിരിക്കണം.

അപേക്ഷകരുടെ പ്രായം 35 വയസ്സിൽ കൂടാൻ പാടില്ല. കമ്പ്യൂട്ടർ, ഡാറ്റ എൻട്രി പരിജ്ഞാനം, ഫീൽഡ് വർക്കിനുള്ള ശാരീരികക്ഷമത, സർവേ പ്രവർത്തനങ്ങളിൽ മുൻപരിചയം എന്നിവയുള്ളവർക്ക് മുൻഗണന ലഭിക്കും.

ഓൺലൈനായാണ് അപേക്ഷ സമർപ്പിക്കേണ്ടത്. ഒരാൾക്ക് ഒരു ജില്ലയിലേക്ക് മാത്രമേ അപേക്ഷിക്കാൻ കഴിയൂ. തിരഞ്ഞെടുക്കപ്പെടുന്നവർക്ക് അപേക്ഷിച്ച ജില്ലയിലെ പരിധിക്കുള്ളിലായിരിക്കും. അപേക്ഷിച്ച ജില്ലയിലെ സാമ്പത്തിക സ്ഥിതിവിവരക്കണക്ക് വകുപ്പിന്റെ ജില്ലാ ഓഫീസിൽ നടക്കുന്ന അഭിമുഖത്തിന്റെ അടിസ്ഥാനത്തിലാണ് തിരഞ്ഞെടുപ്പ്. അപേക്ഷ സമർപ്പിക്കാനുള്ള അവസാന തീയതി ഓഗസ്റ്റ് 10 ആണ്. കൂടുതൽ വിവരങ്ങൾക്ക് ബന്ധപ്പെട്ട ജില്ലാ സാമ്പത്തിക സ്ഥിതിവിവരക്കണക്ക് വകുപ്പ് ഓഫീസുമായി ബന്ധപ്പെടാം.

ഇടുക്കി ജില്ലയിലെ കുടുംബശ്രീ ജില്ലാ മിഷൻ നടപ്പിലാക്കുന്ന ഫാം ലൈവ്ലിഹുഡ് പദ്ധതിയുടെ ഭാഗമായി ദേവികുളം ബ്ലോക്കിൽ ബ്ലോക്ക് കോ-ഓർഡിനേറ്റർ തസ്തികയിലേക്ക് ദിവസവേതനാടിസ്ഥാനത്തിൽ നിയമനം നടത്തുന്നു.

വി.എച്ച്.എസ്.ഇ. അഗ്രി അല്ലെങ്കിൽ ലൈവ്ലിഹുഡ് യോഗ്യതയുള്ളവർക്ക് അപേക്ഷിക്കാം. 18 മുതൽ 35 വയസ്സ് വരെയാണ് പ്രായപരിധി. ദേവികുളം ബ്ലോക്ക് പരിധിയിൽ സ്ഥിരതാമസമുള്ളവർക്ക് മാത്രമാണ് അപേക്ഷിക്കാനാകുക.

ഓഗസ്റ്റ് 13-ന് രാവിലെ 11 മണിക്ക് കുയിലിമലയിലുള്ള കുടുംബശ്രീ ജില്ലാ മിഷൻ ഓഫീസിൽ വാക്ക്-ഇൻ ഇന്റർവ്യൂ നടക്കും. വിദ്യാഭ്യാസ യോഗ്യത തെളിയിക്കുന്ന അസൽ സർട്ടിഫിക്കറ്റുകളും അവയുടെ പകർപ്പുകളും സഹിതം ഉദ്യോഗാർഥികൾ നേരിട്ട് ഹാജരാകണം. കൂടുതൽ വിവരങ്ങൾക്ക് എന്ന ഫോൺ നമ്പറിൽ ബന്ധപ്പെടാം.

വയനാട് ജില്ലയിലെ കോട്ടത്തറ ഗ്രാമപഞ്ചായത്തിലെ ഏഴാം വാർഡിൽ ആശാ വർക്കർ തസ്തികയിൽ ഒരു ഒഴിവുണ്ട്. പത്താം ക്ലാസ് വിജയിച്ചവർക്കാണ് അപേക്ഷിക്കാനാകുക. 25നും 45നും ഇടയിൽ പ്രായമുള്ള വിവാഹിതരായ സ്ത്രീകൾക്ക് അപേക്ഷിക്കാം. ഏഴാം വാർഡിൽ താമസിക്കുന്നവർക്ക് മുൻഗണന ലഭിക്കും.

ഓഗസ്റ്റ് 13-ന് രാവിലെ 11:30ന് കോട്ടത്തറ കുടുംബാരോഗ്യ കേന്ദ്രത്തിൽ വച്ച് അഭിമുഖം നടക്കും. താൽപര്യമുള്ളവർ സർട്ടിഫിക്കറ്റുകളുടെ പകർപ്പുകളും ബയോഡാറ്റയും സഹിതം അഭിമുഖത്തിന് നേരിട്ട് ഹാജരാകണം. കൂടുതൽ വിവരങ്ങൾക്ക് എന്ന ഫോൺ നമ്പറിൽ ബന്ധപ്പെടാം.

യോഗ്യതയും താൽപര്യവുമുള്ള ഉദ്യോഗാർഥികൾ ഈ അവസരങ്ങൾ പ്രയോജനപ്പെടുത്തുക.